Adressiert an: Himmel
Schätzlis, ich has akzeptiert, ihr sind gange, für immer.
Aber mit jedem Tag wirds irgendwie nur no schlimmer.
Ich muss eu nid säge, wie fescht ich eu vermisse,
Ich denke ihr gsehnd wies mir goht, und zwar beschisse.
Ihr sind s'wertvollschte gsi woni je besesse ha,
und trotzdem hani eu ohni Widerred müsse gah lah.
Ich weiss ihr werden nümm zrugg cho, ich bin nid dumm,
aber d'Frog wird immer bestoh, nochem "werum?"
Jede Tag wünschi mir eu chöne id Arme z'schlüsse,
aber bis das erfüllt wird, wirdi no lange warte müsse.
Hetti gwüsst was passiert, hetti so vill anderscht gmacht,
het so vill meh Ziit mit eu zemme verbrocht.
S'Einzig woni hoff und Gott sehnlichscht drum bitte,
isch, dassi im Himmel uf de Wolke nebet eu chan ligge.